Қазалы көлік-техникалық жоғары колледжінде кешенді тәрбие жоспарына сәйкес  «Айтулы тұлғалар, атаулы даталар» жобасы аясында колледж кітапханашысы С.Сугурованың ұйымдастыруымен Ә.Тәжібаевтың 115  жылдығына орай  «Толағай ақын, толастамас жыр иесі-Ә.Тәжібаев»  атты таным сағаты болып өтті. Шараның мақсаты-ақынны жерді құрметтеу, халқына, ана тіліне, Отанға деген сүйіспеншілік тақырыбында жазылған өлеңдері арқылы оқырмандарды ұлттық намыс, жігерлікке тәрбиелеужәне осындай тәрбиелік мәні зор өлеңдерді жастарымызға таныстырып, ұрпағымызды ұлттық рухта тәрбиелеу. Шара барысында «Саналы ұрпақ» парасатты азамат клубының белсенді мүшелері қатысып, директордың тәрбие ісі жұмыстары жөніндегі орынбасары Г.Күзембаева Әбділда  атамыздың шығармашылығына шолу жасап, өлеңдерін оқыды. Жас ақындарымыз  арнау өлеңдерін оқып, Ә.Тәжібаев туралы бейнесюжетті тамашалады. Сонымен қатар, сахна төріне ерекше үлгідегі көрме жасалды. Оған дүлділ ақынның өзі пайдаланған, тұтынған дүниелері, жазған хаттары, оқырмандар әлі де таныспаған  фото-суреттері қойылды.