Қазалы көлік-техникалық жоғары колледжінде  халықаралық интернет күніне орай «Қауіпсіз интернет-қауіпсіз келешек» ақпараттық науқанына сәйкес,  «МИНУТТЫҚ КАДР» колледжішілік жас мобилографтар сайысы өткізілді. Сайыстың мақсаты: мамандықты дәріптеу барысында жастардың мобилография (reelsmaker) саласындағы қабілетін арттыру.  Сайыстың шарты: «Мен және мен таңдаған мамандық» тақырыбы аясында:«Үй тапсырмасы» (қатысушы түсірген видеоматериалын қорғайды).  «Қазір-әзір» (қатысушы берілген уақыт аралығында көрсетілген тақырыпқа сәйкес видеоматериал түсіріп, монтаждап, әділқазылар алдында қорғайды). Сайысқа колледж директорының ақпараттық технология жөніндегі орынбасары Ахай Маржанкүл Керімбердіқызы, колледж түлегі, кәсіпкер, мобилограф Қаразым Тұрман және колледждің ІІІ курс студенті, облыстық «Жас мобилограф» сайысының жеңімпазы Темірлан Байқазақов қазылық жасады. Сайыстың қортындысы бойынша үздік жұмыстары үшін колледж басшысының І дәрежелі дипломымен АҚТ-23/11 тобының студенті Болатұлы Оңталап (жетекшісі Л.Туктыбаева), СОБ-21/9 тобының студенті Ералиева Мадина ІІ дәрежелі дипломымен марапатталды. Сайысқа қатысқан ЛЖС-22/9 тобының студенті Қуат Диас, ВТЭ-23/9 тобының студенті Молдабаев Жандос Алғыс хат иеленді. Аталған студенттерге сыйлықтар табыс етілді.