Қазалы көлік-техникалық жоғары колледжі кітапханасында Қызылорда облыстық оқу орталығы (әдістемелік кабинет)  «Оқуға кұштар колледж» жобасы аясында  «Кітап-сарқылмас рухани әлем» тақырыбы бойынша кітап көрмесін ұйымдастырды. Көрмеге қазақ тіліндегі 100 жаңа оқулық жобасы бойынша аударылған, ұлттық рухымызды жаңғыртуға бағытталған психология, философия, этика, эстетика саласы бойынша 13 кітап қойылды.Психология саласынан  Стивен Ковидың «Жасампаз жандардың 7 дағдысы» атты кітабы жақсы өмірдің кілтін іздеген миллиондаған адамның өмір сүру әдістемесін  кеңінен баяндайды.Философия саласынан Реми Хесстың  «Философияның таңдаулы 25 кітабы» атты кітабы. Бұл кітапта батыс философиясы дамуының елеулі кезеңдерін көрсетеді. Бұл шығармалар әлемдік ақыл-ой дамуының белесті кезеңдері мен бай қазынасын танытады.Этика саласы бойынша Барбара Маккиннон мен Эндрю Фиаланың «Этика:теориясы мен қазіргі мәселелері» атты кітабы. Бұл кітапта жалпы этика дегеніміз не және этика саласындағы негізгі мәселелер қарастырылады.Эстетика саласы бойынша Юрий Боревтың «Эстетика» атты кітабы бар.Бұл кітапта заманауи эстетиканың негізгі мәселелері жан-жақты баяндалады.                                                                                                                                                          Аталған оқулықтар  кітапхананың барлық оқырмандарына, оқытушыларына гуманитарлық пәндерді оқуда белсене пайдалану мен зерттеу процесінде интеграциялау үшін ұсынылады. Әдебиеттерді колледж кітапханасының кітап қорынан алып танысуларыңызға болады.