«КӘСІПТІК БІЛІМ БЕРУДЕГІ ИНТЕГРАЦИЯЛЫҚ ҮРДІСТЕРДІҢ КҮШЕЮ ЖАҒДАЙЫН ЖАҢҒЫРТУ»
Семинардың бағдарламасы бойынша қатысушыларды үш бағыт бойынша бөлініп жүргізілді. 1-ші бағыттың модераторы колледж басшысы Б.Ә. Ахметов заман талабына сай жабдықталған оқу орнының материалдық-техникалық базасымен, оқу кабинеттері, шеберханалар мен зертханалар, «Жас маман» құзыреттілік орталығымен және Қазалы көлік-техникалық жоғары колледжіндегі қамқорлыққа алған серіктес кәсіпорын «Қамқор Локомотив» ЖШС базасының өндіріс тынысымен таныстырды.
Семинардың екінші бағыт бойынша колледж директорының оқу-өндірістік жұмыстары жөніндегі орынбасары А.Б.Ахметова облысымыз бойынша отыз колледждің орынбасарларын Қазалы белгі беру байланыс дистанциясы ШЧ-40 әлеуметтік серіктес мекеменің өндіріс тынысымен таныстырып, «Теориясыз-практика мәнсіз, практикасыз-теория жансыз» тақырыбында семинар-тренингпен жалғастырды.
Семинардың үшінші бағыт бойынша директордың ақпаратттық технологиялар жөніндегі орынбасары Ахай.М.К. мен колледж психологі Таңжанов Ақыл ТжКБ жастар ісі жөніндегі комитеттері мен белсенді студенттерді аудандық Ғани Мұратбаев атындағы мұражайына саяхат жасады.
Семинардың пленарлық отырысын Қызылорда облысының білім басқармасы басшысының орынбасары Ізімбетов Әзизбек Жәнібекұлы ашып, семинар жұмысына сәттілік тіледі. Сондай-ақ, Қазалы көлік – техникалық жоғары колледжінің директоры Б.Ахметов «Кәсіптік бағдар беру бағытындағы жұмыстарды жандандыру жолдары», ШЧ-40 директоры А.А.Дінахметов «Дуалды оқыту – білім мен білік дағдысының кепілі» тақырыбында баяндама жасады.
