Қазалы көлік-техникалық жоғары колледжі кітапханасында «Оқуға құштар колледж» іс-шаралар жоспарына және «Бір ел-бір кітап» акциясы аясында жазушы, драматург, қоғам қайраткері Т.Әбдіктің шығармашылығына арналған «Парасат майданының жауынгері» атты кеш ұйымдастырылды.

Мақсаты-қаламгердің шығармашылығындағы ұлттық болмыс, идеялық-көркемдік мазмұнын ашу арқылы оқушылардың кітапқа қызығушылығын ояту.

Шараға қазақ тілі мен әдебиеті пәнінің оқытушысы Г.Жалдыбаева катысып, студенттерге Т.Әбдікұлы шығармаларындағы шоқтығы биік туындының бірі-"Қонақтар" әңгімесі туралы ой өрбітті.

Директордың тәрбие ісі жұмыстары жөніндегі орынбасары Г.Күзембаева Т.Әбдікұлының қаламынан туған  дүниелерінің ішінде ерекше назар аудартатын, бітім-болмысы басқаша суреттелетін «Оң қол» әңгімесіне тоқталды.

Оқырмандар назарына «Парасат майданы» повесі туралы бейнеролик пен «Көркем сөздің хас шебері» атты кітап көрмесі ұсынылды.