2019 жылдың 20 қыркүйек күні Қазалы көлік-техникалық жоғары колледжінің 2019-2020 оқу жылында білім алушы студенттер арасында XV спартакиаданың ашылу салтанаты өткізілді. Ашылу салтанаты шеру түрінде өткізілді.  Шеруді бас төреші Ерғалиев Серікбол және дене тәрбиесі пәні оқытушыларынан құралған төрешілер құрамы бастап келсе, әрі қарай колледжіміздің мақтаныштары, спорттағы жетістікке жетіп жүрген студенттер тобы, қатысушы 12 команда жанында оқытушылармен өндірістік оқу шеберлері шеру мәресіне келді. Шеруден соң республикалық жасөспірімдер арасындағы ала доп шебері Қожахмет Сандуғаш ҚР мемлекеттік туу өз тұғырына көтерді. Спартакиаданың ашылу рәсімінде колледж директоры Ахметов Болатбек Әбиұлы, Аудандық  дене шынықтыру және спорт бөлімінің бас маманы Өтеген Нұртуған Қадірханұлы құттықтау сөз сөйлеп, спартакиадаға қатысушы студенттерге сәттілік тіледі. Аталмыш шара барысында колледждің би тобы "СПОРТ" биін орындап, студенттерді белсенді қимыл қозғалысына шақырды.

СПАРТАКИАДА ТҮРЛІ СПОРТТЫҚ ОЙЫНДАР АРҚЫЛЫ ӨЗ ЖАЛҒАСЫН ТАБАДЫ.