«Жаратылыстану ғылымының құпиясы тұңғиық, көз жетпейтін мұнарасы тым биік»

3 желтоқсан күні Қазалы көлік-техникалық жоғары колледжінде 3-8 желтоқсан аралығында өткізілетін «Жаратылыстану ғылымының құпиясы тұңғиық, көз жетпейтін мұнарасы тым биік» атты нақты ғылымдар апталығының ашылу салтанаты болып өтті. Химия пәнінің оқытушысы Избан Нұрсұлу мен физика пәнінің оқытушысы Бисенова Мейрамкүлдің ұйымдастыруымен өткізілген кеш барысында математика пәнінің оқытушысы Ж.Сапаев  математикалық  қызықты деректерімен бөліссе, информатикадан №11 топ студенттері Бейбіт Жасұлан мен Рахманбердиев  Ғасыр компьютердің жүйелік блогының ішкі құрылымымен таныстыруда мастер класс өткізді. Ал физика пәнінің оқытушысы Исаева Гүлнұр «Кахот» бағдарламасымен студенттер арасында пәндерден құралған  тест жұмыстарын жүргізіп,  деңгейлерін анықтады. Физика пәнінің оқытушысы А. Төрехан үй жағдайындағы өз тәжірибелерімен бөліссе, №85 топ студенті Ұлғара Айжамал «Биотехнология әлемі» туралы толық мәліметтер берді. Кеш барысында №84 топ студенті Жұмағали Ернұр «Химия қиын», №88 топ студенті Қалжан Несібелі «Көңілді күн», Кален Жанна мен Әбенов Нұрбектің орындауында «Химиялық жүздесу» әндері және  биші қыздардың ерекше билері  көрермендерді тәнтті етті. Кешті директордың оқу ісі жөніндегі орынбасары Серік Ержанұлы қортындылады.