Қазалы көлік техникалық жоғары колледжі кітапханасында «Оқуға құштар колледж» іс-шаралар жоспарына сәйкес «Кітап достарын іздейді» колледж студенттеріне арналған буккроссинг ұйымдастырылды. Шараның мақсаты-студенттер арасында кітап оқуды насихаттау, кітап алмасу арқылы оқырман мәдениетін қалыптастыру, қоғамда «кітапқа екінші өмір сыйлау» дәстүрін дамыту, жаңа достар табу, әдеби орта құру мақсатында ұйымдатырылған көрмеге колледж студенттері мен ұстаздар қатысты. Шара барысында әр қатысушы өзі оқып шыққан кітабын алып келіп, «Бұл кітап досын іздейді» деген белгі койып арнайы бұрышқа қалдырып, басқа біреудің әкелген кітабын алып оқуға мүмкіндік алды.