Қазалы көлік техникалық жоғары колледжі кітапханасында балалар жазушысы С.Сарғасқаев, С.Мұқанов, Ғ.Қабышұлы, С.Бақбергеновтің туған күндері аясында шығармаларын насихаттау мақсатында «Атаулы күндер айлығы» кітапхана сағаты өткізілді. Шараның мақсаты-оқырмандарға маңызды тарихи және мәдени оқиғалар туралы ақпарат беру, қоғамды белгілі бір тақырыптар немесе маңызды дата бойынша ақпараттандыру және жоғарыдағы балалар жазушысының шығармаларын насихаттау. Шара барысында С.Сарғасқаевтың (1925-1995) шығармашылығына шолу жасалып, жазушының басты туындылары туралы презентация оқырмандар назарына ұсынылды. Қазақ әдебиетінің негізін қалаушылардың бірі, Қазақстанның халық жазушысы, С.Мұқановтың  туғанына 125 жылдығына орай «Сұлу сөздің сардары-Сәбит» атты кітап көрмесі ұйымдастырылды. Білім алушыларға Ғ.Қабышұлының әдеби мұрасы мен шығармашылық жолы, маңыздылығы, оның болашақ ұрпақ үшін құндылығы туралы ақпарат берілді.