САНАДАҒЫ СУРЕТ-СМАРТФОНДАҒЫ КАДР
2025 жылдың 14 ақпан күні М.Саламатов атындағы Қызылорда қызмет көрсету және сервис колледжі және Қызылорда Облыстық Оқу Орталығымен бірлесе ұйымдастырылған Облыстық техникалық және кәсіптік білім беру оқу орындарының білім алушыларының арасында "Жұмысшы мамандықтар" жылына орай "САНАДАҒЫ СУРЕТ-СМАРТФОНДАҒЫ КАДР" тақырыбында облыстық мобилографтар байқауы өткізілді.
Байқаудың мақсаты: Жұмысшы мамандықтарының беделін арттырып, қоғамда еңбекқорлық пен кәсіби құндылықтарын насихаттау және де жұмысшы маман жастарының мобилография саласындағы қабілетін арттыру болып табылады.
Байқауға облыс бойынша 10 колледждің студенттері қатысып, қатысушылар 2 кезең бойынша сайысқа түсті.
1-кезең (таныстыру, үй тапсырмасы): "Жұмысшы маман -2025" жобасы аясында видеоролик дайындау.
2-кезең (монтаж және өңдеу): Берілген шикізат материалдан сапалы және креативті видео жасау.
Қазылар алқаларының шешімі бойынша колледжіміздің І курс студенті Мұсағалиев Арыстан ІІ орын иеленді. Жетекшісі -арнайы пән оқытушысы Даулетиярова Акмаржан. Марапаттарыңыз құтты болсын!