ҚКТЖК » Жаңалықтар » «ҰЛТ РУХЫНЫҢ ЖАРШЫСЫ-ІЛИЯС ЕСЕНБЕРЛИН»

«ҰЛТ РУХЫНЫҢ ЖАРШЫСЫ-ІЛИЯС ЕСЕНБЕРЛИН»

Қазалы көлік-техникалық жоғары колледжі кітапханасында «Біртұтас тәрбие» бағдарламасы шеңберінде «Балалар кітапханасы» және «Оқуға құштар колледж» тұжырымдамасы аясында  қазақ әдебиетінің айшықты тұлғаларының бірі, Қазақ СРО Мемлекеттік сыйлығының лауреаты, ұлт рухының жыршысы, драматург, ақын, сценарист Ілияс Есенберлиннің туғанына 110 жыл толуына орай «Ұлт рухының жаршысы-Ілияс Есенберлин» атты таным сағаты өткізілді. Шараның мақсаты-жазушының шығармашылығымен таныстыру, білім алушыларға насихаттау, шығармалары арқылы жастардың отансүйгіштік рухын ояту, туған елімізді, жерімізді сүюге, құрметтеуге тәрбиелеу. «Қазақ әдебиетінің көркем қазынасын байытуға қомақты үлес қосқан жазушы әр түрлі жанрларға құлаш ұрды. Қыруар өлең, он дастан, екі повесть, он жеті роман жазды. Драматургия, кино, аударма саласында да еңбек етті. Елінің күнделікті өмірімен тыныстаған шығармалармен қатар, ұлт өмірінің ғасырларға кететін кең ауқымды, қарымды панорамасын жасаған құнарлы туындылары»  туралы  колледжі кітапханашысы С.Сугурова кітап көрмесін таныстырса, колледж студенттері жазушыға арналған замандастарының пікірлері мен бағаларын оқыды. Шараны директордың тәрбие ісі жұмыстары жөніндегі орынбасары Г.Күзембаева қорытындылап, І.Есенберлин шығармалары туралы айтып, жас жеткіншектеріміздi кітап оқуға шақырды.


20 ақпан 2025 ж. 1