Қазалы көлік-техникалық жоғары колледжінде құқық бұзушылық, қылмыс пен қараусыздық, зорлық-зомбылық пен ерте жүктіліктің алдын алу алдын алу бойынша бірлескен жұмыс жоспарына сәйкес  жас жеткіншектер арасындағы ерте жүктіліктің алдын алу мақсатында арнайы пән оқытушысы Л.Мұхашеваның ұйымдастырумен «Қыз бала-ұлттың ұяты, халықтың шырайы» тақырыбында дөңгелек үстел болып өтті. Шара барысында «Қазалы теміржол емханасы» ЖШС гинеколог дәрігері Г.Избасарова  «Жасөспірімдер арасындағы ерте жүктіліктің алдын алу» тақырыбында баяндама оқып,  ерте жүктіліктің алдын алу, одан қорғану жолдары туралы, Қазалы аудандық жастар ресурстық орталығының инспекторы М.Шахар қазақ қыздарын зиянды әдеттерден аулақ болып, бойларын таза ұстауы туралы айтты. Шараны директордың тәрбие ісі жұмыстары жөніндегі орынбасары Г.Күзембаева қорытындылап, бойжеткендерді қазақ қызына тән әдептілік, инабаттылық, кішіпейілділік т.б. әліппесін дәріптеуге шақырды. Жас жеткіншектеріміз мамандарға көкейтесті сұрақтарын қойып, пікір алмасып, өздеріне қажетті мағлұматтар алды.