Қазалы көлік-техникалық жоғары колледжінде «Нашақорлыққа қарсы бір айлық» акциясы аясында ЭЖС-22/9 «Электр жабдықтары» тобының жетекшісі Б. Тәжімұратованың ұйымдастыруымен  «Есірткі: заманның жасырын жауы» атты ашық тәрбие сағаты болып өтті. Тәрбие сағатының мақсаты-білім алушылардың  бойында  салауатты  өмір  салтын  берік  қалыптастыру, зиянды  нәрселерден   аулақ  болуға  тәрбиелеу, заманның кесел ауруы нашақорлықтың алдын  алу. Топ жетекшісі Б.Әлімбайқызы есірткі, темекі, алкогольдің зиянын түсіндіріп өтті, оқушылар салауатты және ұзақ өмір сүру үшін қажетті дағдылар туралы студенттермен ой  бөлісті.