Қазалы көлік-техникалық жоғары колледжінде оқу-тәрбие жоспарына сәйкес  «Саналы ұрпақ» ұйымының ұйымдастыруымен дәстүрлі курсаралық «Алтын күз-2024» байқауы  өткізілді. Топтар ережеге сәйкес «Сәлем-сөздің анасы», «Өнерлі өрге жүзер», «Сән үлгісі», «Ас-адамның арқауы», «Ханзада ман Ханшайым биі»  кезеңдері бойынша тартысқа түсті. Барлық топтар күздік өнімдерден ас мәзірін ұсынып, көрме ұйымдастырылды.

Байқау қорытындысымен жатақхана студенттерінен құралған «Бір үйдің балалары» тобы І орынды жеңіп алса, қалған «Тамшылар» ІІ орын, «Күзгі бақ» тобы ІІІ орынды еншіледі. Қазылар алқасының шешімімен «Үздік көрме» өнімдерін ұсынған ЛЖС-23/9 тобы І орын, АТҚ-23/11-1, ТСК-24/9 топтары ІІ орын және ВТЭ-23/9, В-23/9 топтары  ІІІ орын иеленіп, жеңімпаз атанды. Шараға ата-аналар Н.Курмашева, А.Менешова мен Н.Жұмахметовалар белсене араласып, түрлі күздік өнімдерден коллаж ұйымдастырды. Байқауды колледж директоры Б.Ахметов қорытындылап, студенттерді Алғыс хаттармен  марапаттады.