Қазалы көлік-техникалық жоғары колледжінде валеология пәнінің оқытушысы Г.Рахманбердидің ұйымдастырумен «Электронды темекі немесе вейп несімен қауіпті?» тақырыбында дөңгелек үстел өткізілді. Мақсаты-студенттерді зиянды әдеттерден аулақ болуға үйрете отырып, электронды темекінің /вейп/ денсаулыққа тигізер кері әсерін түсіндіру. Шара барысында білім алушыларға тақырып аясында түрлі видеолар көрсетіліп, сұрақтар қойылып еркін форматта ой алмасу болып өтті. Шараны директордың тәрбие ісі жұмыстары жөніндегі орынбасары Г.Күзембаева қорытындылап, колледж мейіркеші А.Айман мен колледж психологы А.Таңжановтар  студенттерді теріс әдеттерден аулақ   болуға шақырды.