Қазалы көлік-техникалық жоғары колледжінде 5 қазан-Ұстаздар күніне орай жас ұстаздардың ұйымдастыруымен ”Ұлылықтың басында ұстаз тұрар мәңгілік!” атты мерекелік кеш болып өтті.  «Ұстаз-келер күннің ұстасы», балалардың қалыптасып келе жатқан дүниетанымының, өмірге деген көзқарасының иесі. Біздердің бүгінгі болмысымыз кешегі ұстаздарымыздың еңбегі”-, деп алғысөз алған колледж директоры, ҚР Білім беру ісінің құрметті қызметкері Б.Ахметов  әріптестерін кәсіби мерекемен құттықтап, төл мереке қарсаңында ардагер ұстаздарымыз М.Ақниязов, Л.Адиева, Ж.Сугурова, А.Жандосова, Ұ.Қапар мен Ж.Динахметовтерге ҚР Оқу-ағарту министрі Ғ.Бейсембаевтың Алғыс хатын тапсырды. Шара барысында С.Төлегенов пен Л.Алибекова Қызылорда облыстық кәсіподақ комитетінің Құрмет грамотасы мен сыйлығын иеленсе, А.Таңжанов, Б.Тәжімұратова, Г. Исаева, А.Қонақбайлар колледж басшысының Алғысын алып, сый-сияпатын иеленді. Ертеңгі мемлекеттің болмысы-ұстаздың бүгінгі тәлімінде», дегендей төл мереке құтты болсын, әріптестер!